118963467 2772637729622233 8386417914576682132 n - ملاحظات مهمة عن شفط الشحوم ونحت الجسم كل شخص ناوي يسويها او عنده واهس بالموضوع ض

ملاحظات مهمة عن شفط الشحوم ونحت الجسم كل شخص ناوي يسويها او عنده واهس بالموضوع ضروري يعرفهن :-
-لازم نعرف انه هاي العمليات هي لنحت و تعديل الجسم وليست لانقاص الوزن، وهذا خطأ شائع جدا هواي يتصورون انه شفط الشحوم علمود انقاص الوزن.
– افضل النتائج نحصلها لمن المريض يكون ملتزم بالدايت والرياضة قبل وبعد العملية، بدون التزام راح ترجع الشحوم تتراكم وماسوينه شي.
– اي علاج منحف او اعشاب او ماشابه مهما كان لازم ينقطع قبل ٣ اسابيع من العملية.
– لازم المريض يتعاين من قبل جراح التجميل المختص ويفحصه فحص كامل حتى يتم تقييم الحالة وهل هو مناسب للنحت ام لا وشنو بالضبط يحتاج المريض ويامكانات نشتغل عليها و شنو النتائج المتوقعة.
-تصوير جسم المريض قبل العملية ضروري جدا من زوايا مختلفة اولا للتوثيق الطبي (مو لأجل النشر) ثانيا حتى تتم مقارنة النتائج صوريا بصورة دقيقة ومضبوطة.
-اي مريض وزنه أكبر ب٣٠٪ من الوزن المثالي مراح يكون مناسب لهاي العمليات لان المضاعفات والمشاكل راح تكثر وره العملية بالاضافة الى ان النتائج مراح تكون مرضية بسبب وجود كتل شحمية كثيرة و ازالتها كلها بوقت واحد مو بصالح المريض و فعالياته الحيوية، لذلك بعض المراجعين ننصحهم بتقليل الوزن الى حد معين وراها يله يكونون مناسبين للعملية.
-المرضى الي عندهم ترهلات بالجلد راح تكون النتائج مالتهم مو حلوة لذلك همه مناسبين للقص والتعديل الجراحي اكثر من شفط الشحوم، شفط الشحوم راح يزيد من ترهل الجلد ويزيد الطين بلة، وعادة النتائج تكون حلوة اذا الجلد ما مترهل ومشدود نوعا ما.
-اي امراض مزمنة موجودة لازم تاخذ رأي طبيبك الاصلي ابو القلبية او الباطنية و رأي طبيب التخدير كذلك، ونفس الشي بالنسبة اذا جان المريض مستمر على علاجات معينة لامراض مزمنة.
-الالتزام بالمشد بعد العملية ضروري جدا جدا.
-لازم نفهم انه النتائج مانحصلها بيوم ويومين انما بعد رحلة طويلة والتزام و فد ٣ اشهر يله نحصل نتيجة نهائية.

=====
سيف_الدين

====

↴@stshr.tby
.
.
.
🔍

🔴تابع الستوري لمشاهده احدث النصائح اليوميه لأجل صحتك🔴

.
.